中大新亞書院創校初期，原來曾經係明星嘅大學堂！香港50、60年代粵語片武打女星夏娃（原名馬金玲），洋名Margarita，同李小龍同期，16歲時認識咗讀緊新亞書院嘅賈麗妮，夏娃覺得自己讀書少，好想旁聽，於是賈向錢穆推薦，夏娃聽咗半年，學文史哲。
捐出劇照供資料館珍存
因為個子高樣子甜美，夏娃當時被新亞同學冠以「瑪嘉烈公主」綽號，呢半年旁聽對佢嚟講意義重大，事關明星向來俾人睇唔起。佢自覺字又寫得唔好，所以更加努力學字，學埋書法、國畫、英文同西班牙文等。
78歲嘅夏娃現長居紐約，每隔幾年返港一次，今次佢係應香港電影資料館邀請，捐出劇照、剪報、電影海報、雜誌等幾十份當年嘅歷史檔案，畀資料館珍存。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange