【萬千星虧】由本報娛樂版舉辦嘅第五屆萬千星虧選舉，上星期開始發起投票，截至噚日已超過6,000名網民投咗票，反應熱烈。大家最關心嘅莫過於最虧男、女主角兩項大獎，早排頻頻上港聞版嘅阿叻陳百祥同馮美基（May姐）一馬當先，睇走勢似乎冇得輸喎！
阿叻攞獎有望
阿叻憑仲未開拍嘅《跪回家》入圍最虧男主角，史無前例，佢暫時以2,692票領先，第二位就係得1,443票、唧唔出眼淚嘅屎戲局長蘇錦樑。至於落雞汁冇手軟嘅May姐，暫以4,105票領先，遠遠拋離得781票、喺《神鎗狙擊》死極都死唔去嘅徐子珊。最虧節目方面，公器私用嘅《東張西望》領先，至於最虧場面，睇個勢都係阿叻「冇跪回家」同May姐落雞汁之爭嘞。
讀者可於 http://campaign.appledaily.com/tvawards2013投票，今個月14號截止，結果就會喺16號本報娛樂版同網上公佈。
撰文：馮仁昭
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013