【家的感覺】
凱施餅店司機月薪1.3萬仲包埋食宿，是否真係咁筍？《蘋果》跟隨入職僅數個月的司機德叔工作一天，見他要一腳踢兼任跟車工作，且日做12小時，絕不易捱，但德叔強調能獲老闆給予棲身之所，無限感激。
感激老闆給安樂窩
62歲的德叔每日約清晨5時起床準備，由牛頭角的公司宿舍，駕駛公司車返回同區廠房，將待焗麵包、麵粉和新鮮蛋糕等，運往六間指定門市分店，每日走三轉，抵達門市後，德叔還要一腳踢，親自將麵包搬入店內，直至下午5時許收工，日做12小時。德叔也直言辛苦，但他覺得值得。
德叔早年離婚，因工資超出申請公屋入息上限，之前他在粉嶺一間粉麵廠工作5年，也是包住宿，但所謂的住宿只是新界貨櫃屋，環境惡劣，他一直覺得：「老闆包埋住宿只為困住員工，確保有人手做嘢。」
他在朋友介紹下加入凱施，老闆將牛頭角唐樓單位改為員工宿舍，令德叔重拾家的感覺，他現時居住的宿舍單位面積約300平方呎，兩房一廳，每房約60平方呎，由他和另一司機居住，廚廁共用。德叔感激老闆給他一個安樂窩：「呢個世上好少有老闆咁幫人，我好感恩。」他又讚老闆事事親力親為，當員工是朋友，每個月會出錢請吃飯，他希望在此崗位做到3年後退休為止。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange