【本報訊】「路姆西」上周六一掟成名，其實早於上周三，公民黨陳淑莊已在D100電台節目率先推介，更一邊抱住這布公仔一邊做節目，還笑說在路姆西身旁的婆婆，就是政務司司長林鄭月娥，擔心有天林鄭遭這隻野狼吞下。
「咁啱個婆婆真係可以塞入去隻狼個口度，打開野狼件衫可以攞番出嚟」。陳淑莊稱是經填詞人梁栢堅介紹才認識路姆西。梁說，有日在高登討論區見到路姆西的相片，覺得譯音有趣，其後更到宜家一看和影相，之後轉給陳淑莊讓她在電台節目揶揄梁振英。
表達「不要豺狼治港」
「冇諗過咁多人搶購路姆西！」當日向梁振英投擲路姆西的社民連曾浚瑛說，當時臨時知道獲入場，便趕去買路姆西，但強調其中文諧音是次要，最重要是向梁振英表達「不要豺狼治港」。他批評梁上任後用人唯親，用不同手段打擊對手，摧毀香港「好奸險，好心術不正，係豺狼當道」。他坦言，全城瘋購路姆西是「超乎想像」，「係反映民意，香港人要個icon去表達對梁振英嘅不滿」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange