香港最資深華將係邊個？就係賴維銘，佢係第12屆即91至92年度見習騎師出身，同屆仲有王若舜、林嘉成同朱剛，大家對佢哋有冇印象？四人中家陣仲騎緊只有賴仔，林嘉成更已車禍過身多年。眨下眼，今個禮拜四賴仔就40歲生日，雖然有番咁上下年紀，又冇大馬房支持，但賴仔成績都算係咁，上季贏14場，今季暫時都有5Ｗ，強手林立下總算生存到。
呢期賴仔出奇地騎足八場，唔通練馬師知佢生日，特登益佢？八隻馬入面吳廐「領航精神」近績最好，師傅吳定強當然想同佢慶祝生日。而尾場「龍騰虎震」上季喺賴仔胯下贏過谷草一哩，隻馬轉蘇偉賢後近三仗都跑田草落敗減分，今次跑番谷草一哩，仲要抽二檔，睇嚟有Chance，分分鐘跑完就可以同賴仔講Happy Birthday。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange