【本報訊】紅線女、芳艷芬、鄧碧雲、白雪仙堪稱當年粵語片的四大花旦，四大花旦各有特色兼擁躉，好比四大門派，當時花旦之間存在競爭，紅線女、芳艷芬之間也曾被指不和。但芳艷芬不但對女姐去世感到惋惜，更指兩人當年一齊出道，數十年深厚情誼保持至今。
紅線女前晚逝世，芳艷芬昨日回覆記者時說：「聽到此消息好惋惜，當年我哋一齊做宮燈（即宮女），一齊出道，有傾心事，講唔知幾時可以出聲唱戲」。
兩人戲迷的對立也猶如譚詠麟、張國榮的歌迷情況相似。但芳艷芬表示，她與女姐的深厚情誼，一直保存至今。「雖然大家有幾年冇見，但都經常靠電話保持聯絡，有年我去廣州，女姐親自嚟接我，幫我安排好晒，有時女姐嚟香港我哋都會見面。」兩人年過八十，話題不時談及家庭，芳艷芬說：「早前女姐仲開心打電話畀我，話我知佢有曾孫，我話你就好啦，我未有呀，大家交流下屋企嘢，感情保持得好好，人生就係咁，所以要珍惜呀。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange