當你見到一啲年紀有番咁上下嘅女人，每當見到港英旗同倒狼示威者時，臉部肌肉會不受控咁露出詭異笑容，跟住再自我陶醉咁伸條脷出嚟，向全世界做鬼臉，任影唔嬲嘅時候，你可以好肯定，呢啲人多數係愛字堆嘅中堅分子。有相為證㗎，愛字堆前核心淨心BB噚日喺大角嘴示威撐CY，好得戚咁撕爛咗條港英旗，又失驚無神向鏡頭伸脷，露出勝利嘅笑容。八方仲記得，今年8月中狼英落區時，同樣有一位奇女子手持「支持CY」標語，對住倒梁示威者伸脷凸眼任影唔嬲㗎，呢個人係邊個？咪係愛港之聲成員彭春娥囉，話晒同淨心BB都算係哎吔同門師姊妹，唔怪得對付反對勢力嘅招式，都係咁相似啦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange