張家輝之前在《亂噏24》投訴杜琪峯拍戲沒有劇本，累他要揣摩一大輪對方的心意。事隔一會，當事人終於可以現身說法，並聯同天后鄭秀文一於亂噏番夠本，順道還自己一個公道。杜Sir隔空暗寸家輝：「畀都冇用啦，畀咗你又改，不如唔好記好過啦！拍嗰吓真咪得囉。」他又笑說很多演員根本不清楚自己幾時拍完。倪匡曾在不少電影擔任過茄喱啡，自嘲完全不知自己做甚麼：「導演教我同女主角講呢個句位，我話女主角呢，佢話女主角咪……（指着拳頭）。」倪匡稱舊一輩的導演如羅維、張徹，都會依照劇本去拍，但新一輩導演則不需要，更笑說：「唔怪得寫寫吓編劇，冇得撈啦！」
Sammi迫過多齣杜Sir的戲，由她替對方辯護最夠資格：「每次拍杜Sir戲都有個故事大綱，知道自己個角色塑造係點。家輝就唔知你搞乜，我就比較好彩。」肥佬黎問道：「拍你戲辛苦定拍王家衛辛苦？」杜Sir沒有正面回答，只道出各有苦樂。
杜琪峯教你無劇本拍戲，星期四晚記得收睇足本《亂噏24》！
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013