醫壇歌神周一嶽，上周六晚出席皇仁書院舊生會2013年周年晚宴，吸引咗30圍舊生，佢喺邊度跌倒，就喺邊度起番身，為母校獻唱《忘不了你》，感激當年母校提供無限空間。佢喺現場問：「點解今晚門票迅速售罄？有人話，𠵱家電視冇乜好睇。」暗寸𠵱家電視唔睇都罷。係咩？咁佢又連走兩場，上埋歡樂滿東華獻唱？當年佢讀預科，喺同學「一人一票」下當選丹拿社（Tanner）社長，佢話係終極普選喎。宴會上佢唱足半個鐘，包括《誰能明白我》、《You Raise Me Up》、《忘不了你》等，真係中氣十足，皇仁學弟好捧場，仲衝上台幫佢伴舞㖭。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24