名模Mandy Lieu和傅嘉莉昨日出席新世紀廣場聖誕亮燈儀式，在台灣拍打戲的Mandy表示有很多演員受傷入院，她說：「我淨係扑到個頭，腫咗一撻，已經算好抵，手手腳都有瘀，但都係皮外傷。不過最緊要係塊面，有乜事我都先掩面。」台灣可有艷遇？她笑說：「大家都好忙，唔係拍戲就受傷，加上我通常係開夜班，好似鬼一樣。」
傅嘉莉戴着今年第一份聖誕禮物的珍珠戒指現身，她表示是追求者送的，她說：「佢唔想喺朋友面前送畀我，今次係我人生第一次收戒指，佢話珍珠代表佢嘅心意，掌上明珠咁解，亦都祝我事業苦盡甘來。」
採訪、攝影：楊潔雯
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013