今日係舉行四場國際一級賽嘅大日子，港隊馬成績可以話係近年最好的一次！喺香港瓶，港隊馬喺呢項賽事成績一向麻麻，而對上一次贏已經數到去98年嘅「原居民」，今次賽事潘頓騎大摩馬房嘅「多名利」出戰，呢匹馬喺直路度交出凌厲嘅後勁，將一眾對手擊敗；雖然開咗個靚頭，但港隊馬就喺香港短途錦標連續兩年輸俾外隊馬，爭取衛冕嘅日本代表「龍王」，喺最後直路話過就過，輕輕鬆鬆就贏咗啦！而港隊馬入面成績最好就係跑第三名嘅「恩格斯」；至於喺香港一哩錦標，港隊馬就包辦咗三甲，上年喺呢項賽事攞第二、由韋達騎嘅「精彩日子」，今年終於吐氣揚眉啦！呢匹馬喺末段超越另一匹港隊馬「大運財」，贏得冠軍，至於跑第三嘅就係方嘉柏馬房嘅「包裝博士」；去到壓軸嘅「香港盃」，香港馬又再發威，同樣由韋達策騎嘅上季打吡冠軍「事事為王」，喺最後關頭趕過日本代表「東京光環」率先衝過終點。韋達一係唔贏國際賽，一贏就贏兩場，十三屆香港冠軍騎師終於在國際賽日（升格一級賽後）揚威！香港馬四場國際賽贏三場，相信大家都會好滿意喇！
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24