經過「the Decision」一役，騎士球迷眼光光睇住勒邦占士轉投熱火，似乎仲好擔心隊中球星會離隊；上周六常規賽騎士主場對快艇期間，一名身穿「Kyrie Don't Leave」（凱利，別走）T恤球迷（左），竟然突破警衞網衝入球場，仲輕拍騎士控衞K艾榮（右）膊頭；K艾榮都好大方，高舉拇指回應，呢位球迷亦好快被帶走。好彩今次個球迷都算友善，如果佢帶刀襲擊球員，後果可大可小，騎士真係要檢討吓保安工作先得。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24