財爺鬍鬚曾又話食過夜粥嘅，仲要係黃飛鴻徒孫㖭。點解前日喺地區諮詢會上咁輕易就中蛋㗎？學功夫嘅人，防範性唔係好高㗎咩？八方噚日代唔少政界中人向現場目擊人士問咗呢幾個問題，結果係：哦，原來係財爺太專心𥄫實狼英所致。此話當真？聲稱珍珠都冇咁真喎。話說有人喺現場見到，當時社民連示威者上前蠢蠢欲動時，鬍鬚曾一直專心一意望住狼英。點解咁全神貫注？八方估計，佢一係護主心切，諗住一有意外時飛身救駕，否則就係等睇熱鬧，唔想錯失特首中招呢個歷史時刻啦？呢個問題，八方冇答案㗎，淨係知道因為鬍鬚曾顧得狼英嚟唔顧得自己，最終老貓燒鬚囉。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24