美國道指上周五大升近200點，創七周最大升幅，如無意外，今日港股應會跟隨美股上揚。港股「仲有冇得去」？相信沒有人敢好肯定地回答，但近期每當一見到指數上升，就不期然想起西京投資主席劉央，同時亦想起一位前輩說過的「黑仔賭錢記」。該前輩說，大約二、三十年前他「過大海」去澳門賭錢，但不知那天是當黑抑或是運滯，那天他買大就開細，買細就開大，總之買乜輸乜，還要是連續十數鋪如是，不用半個小時，已把「全副身家」輸得七七八八。
差不多連回程船票也輸掉的他忽發奇想，既然這樣黑，不如調轉買，想買大時換轉買細，想買細時換轉買大，說不定可「反底」哩！世事往往是出人意表的。他用這個方法，居然真的可以連贏十鋪！不過，最終結果也是輸光輸淨地離開澳門，因他在第十一鋪唔信邪，沒有繼續調轉買。今年投資表現一般的劉央，可能跟那位前輩想法一樣，特意用調轉買方法，藉沽空恒指谷起所持股份的股價哩！
密西比
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24