陀槍師姐英姿煥發，原來連企出嚟做訪問都要貪靚㗎！話說噚日狼英喺大角嘴落區，旺角警區副指揮官曾艷霜，事後例牌出嚟講解「處理」示威者經過，大批記者喺社區會堂門口，set好camera恭候Madam曾。唔知佢係咪唔鍾意企喺條街度，背住街景做訪問，堅持要用會堂做背景，要幾十個記者為佢搬位，嘩！好大嘅官威呀！攝影師專業判斷，話係會堂入面影嘢會好黑，反而會影得Madam唔靚。最終Madam曾使出絕世好橋，命人揸架警車停喺條街做背景，再搵兩個男警企佢後面，簡直今日我至靚呀！佢仲同記者講咁係最適當安排，但就遲咗半個鐘先落嚟講嘢囉。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24