阮馬素昨早嘆完愛心粥，晚上到麗思卡爾頓酒店出席微笑行動慈善晚宴，與微笑行動大使郭晶晶同場。郭晶晶自8月為丈夫霍啟剛誕下B仔後，昨晚首度出席公開場合，霍家上下包括夫婿啟剛和霍老爺霍震霆均有赴會。
晶晶身穿黑色閃片晚裝，明顯已收身，問晶晶收身進度以及湊B是否辛苦，她說：「沒有特別收身，尚欠少少。」兩人均表示湊B辛苦，笑言沒得瞓，晶晶說：「都成日喊。」啟剛則說：「𠵱家好好多，好過養和嗰時唔識抱，𠵱家一手抱B，一手餵奶，BB喺我哋房瞓，可以睇住，佢5點起身，我哋都有黑眼圈。」在旁的晶晶也說：「BB兩個都像，我帶他多一點，但爸爸都辛苦，上班前煲湯給我，回來做飯。」啟剛又搭嘴說：「我𠵱家廚藝進步咗。」
提到BB名字，啟剛說：「兩個名都有，中文名會喺網公佈，英文名叫Lawrence，最簡單晶晶個名係J，我係K，BB順序咪係L，另一個意思Lawrence解橄欖葉，04年雅典奧運係橄欖葉頭飾，中文名就爸爸改。」問兩人與BB搬新居適應嗎？晶晶說：「OK，有自己空間，朋友來都方便點。」會否再追多一名，啟剛即說：「遲少少，先安頓一個。」此外，阮馬素得知晶晶生了B仔也表驚訝：「媽媽跳水，想她下一代都從事運動。」
採訪：林嘉慈
攝影：陳慧安
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013