上周六日聯大結局，在最後直路領先的橫濱水手，去到煞科戰才失去冠軍。藉水手作客川崎前鋒以0:1落敗，次席廣島三箭以2:0作客擊敗鹿島鹿角，後上奪標，成功衞冕。
水手最後兩場全敗
橫濱水手在第23輪聯賽，重返榜首後，直到煞科戰前絕大部份時間都領先。上輪主場迎戰新潟天鵝，他們本來贏波便可提早封王，卻意外地落敗，令去屆冠軍廣島三箭保持爭標機會。
到上周六煞科戰，水手帶着兩分優勢作客川崎前鋒，上半場雙方互無紀錄，與此同時，三箭作客鹿島鹿角已藉石原直樹的入球領先，令水手必須取勝才可成為冠軍。可惜水手今仗表現欠佳，下半場繼續破關乏術，更被主隊的雲拿天奴於54分鐘取得入球，形勢更加惡劣。三箭作客鹿角一戰，在80分再由石原直樹攻入今仗第2球，奠定2:0勝局，隨後雖有守將黃錫浩領紅被逐，但已無阻球隊取得日聯兩連霸，獲得兩億日圓（約1,500萬港元）獎金。文：何西
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange