被陳木勝譽為「無冕影帝」的古天樂，片中呈現了一個很不同的自己，古仔坦言今次與張家輝及劉青雲的參與度很高，做到了角色賦與電影生命，他說：「我同導演合作過兩次，私底下又成日傾電影，所以未有劇本時已經對佢有信心。導演想向《英雄本色》致敬，但好難做到當年嘅情懷，我哋個方向就係咁行，重新創作。今次演員同導演嘅參與度好高，係角色賦與電影生命，通常電影畀生命個角色，不過今次電影隨時有變化。呢個組合大家好熟，會有火花，有時可以成個戲改晒都得，好好玩！」
古仔又大爆電影於泰國返港後所拍的部份，是事先完全沒有劇本：「成套戲有好多部份都係去到現場先會大家傾，最大膽係我哋喺泰國返嚟嗰part係乜頭緒都冇，不過我哋相信關關難過關關過，船到橋頭自然直，結果又畀我哋一路好順利咁拍到。」戲中有大量爆破及危險動作鏡頭，古仔笑說：「呢個冇得諗㗎喇，就算陳木勝話冇乜動作，最後都係好甘，哈哈！所以唔諗係最好，唔使自己嚇自己。」
與青雲食飯傾戲
古仔與青雲合作無間，問到如何保持火花？古仔表示每次演的故事及角色也不一樣，即使合作多次亦能保持新鮮感，他又表示每次開拍前，也會跟青雲食飯研究電影：「對手熟都有好處，就係大家一齊去畀戲嘅時候，感覺會準好多。」戲中三個角色的心理起伏不一，但各有難處，問到喜歡演哪一個？古仔說：「冇㗎喇，一定係𠵱家呢個，如果三心兩意嘅話，點都做唔好個角色。」
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013