周日巴甲煞科，由於高士路已經提早奪得聯賽冠軍，所以在最後一輪的焦點將落在護級戰之上。尾3的富明尼斯（圖）形勢最險峻，非勝不可，他們今仗作客無欲無求的巴希亞，勢可憑戰意取勝，一於捧客W！
巴甲每季都會有4支球隊降班，其中邦迪比達及紐迪高早已護級失敗，而尾3的富明尼斯尚有一線生機，或可逃出生天。在降班威脅下，富明尼斯最近戰績有改善，近4仗2勝1和1負，曾贏紐迪高及聖保羅；上仗對應屆南美自由盃冠軍明尼路，踢成2:2。另一邊廂，雖然巴希亞錄得3連勝，狀態大勇，但他們戰意成疑。巴希亞現以48分排聯賽第12位，領先尾4的華斯高4分，已經沒有護級威脅，相信主隊今場會放鬆下來。往績方面，富明尼斯近3次對巴希亞全勝，而且3場都沒有失球。
同日另一場，哥列迪巴作客聖保羅的形勢相似，尾5的哥列迪巴要為護級搶分；而聖保羅排第9，爭勝心肯定不如對手。哥列迪巴近兩仗1勝1和，已經搶到4分，反而聖保羅近5仗不勝。因此，今仗宜捧哥列迪巴[+1]「客勝」！文：咖喱
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange