昨日沙田馬場香港國際馬匹拍賣會，最出鋒頭就係謝國輝父子。謝國輝係邊個？佢係深圳龍華區富豪，喺香港養過多匹以「龍華」為名嘅馬匹，個仔就係謝劍汶。
呢位富二代馬主先用400萬投得2號馬，該駒同惡馬「輕彈錢笑」同父。買完一隻仲未夠喉，跟手佢哋用更貴嘅750萬，爭贏練馬師高伯新，買入一匹同「崇山 爗」同父嘅7號馬，成為今季最貴拍賣馬；不過750萬仍破唔到之前「北京金寶」900萬嘅歷史紀錄。謝劍汶之後接受訪問，佢話對2號及7號馬嘅前景有信心，仲話加埋用咗1,150萬唔算貴，其實已比佢心目中平喎！今日「龍華」系有隻「金鎸龍華」喺第九場上陣，睇嚟一定拼盡，希望贏番多少獎金幫補吓。
由於7號馬以750萬成交帶起咗氣氛，去到臨尾一駒出現激烈競投，練馬師蘇偉賢同「加州系」馬主梁欽聖鬥出價，結果梁欽聖用670萬全日次貴價格，投到19號馬。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange