南非前總統曼德拉昨日逝世，享年95歲，全球同聲一哭，令Beyond已故主音黃家駒90年代為曼德拉所創作的《光輝歲月》再度熱播，家駒胞弟兼Beyond成員黃家強，昨日接受BBC訪問後透露，早前到南非時有意探望曼德拉，並大談家駒創作《光輝歲月》的因由，他更指香港需要一個像曼德拉般正義無私的特首。
《光輝歲月》是90年家駒與Beyond隊友去到非洲肯亞時，聽到關於曼德拉在黑牢中的不凡經歷而寫下的歌曲。據說曼德拉在出獄多年、南非與內地建立正式外交關係後，曾有內地大使館人員向曼德拉繙譯《光輝歲月》的歌詞，令他聽後潸然落淚。
昏迷中不敢打擾
家強昨日接受BBC訪問後向本地傳媒說：「對於曼德拉離世，我感到好可惜，9月時我去咗南非探訪，去到約翰內斯堡時有諗過去醫院探望曼德拉，但嗰時佢昏迷當中，又唔知係咪只可以畀親屬去探，中國駐南非領事館話可以安排，但為免騷擾到佢，都係冇去到。曼德拉好偉大，冇佢就冇今日嘅南非，因為佢無私嘅奉獻，先至可以換嚟今日南非人民嘅民主自由，希望南非繼續有人權、公義、民主。公義真係好重要，其實香港都好需要一個無私、正義嘅特首。」
犧牲自己好感動
曾經與隊友到過非洲肯亞探訪的家強，又透露中國駐南非領事館人員曾對他說曼德拉曾聽過Beyond的《光輝歲月》，「家駒作呢首歌時係八九十年代，嗰時曼德拉仲未爭取到民主，佢為咗人民，寧願犧牲自己嘅偉大精神，令我哋好感動，為咗支持佢作咗呢首歌，希望佢可以成功爭取到民主自由，亦希望呢首歌去到世界各地，繼續傳揚自由訊息。」
至於身在內地的葉世榮，昨得悉曼德拉逝世，形容曼德拉享年95歲是人世間的善終，讚揚他為人類爭取和平、不歧視與平等是很值得被人尊重。世榮認為堅持理想及爭取很重要，曼德拉憑一人之力去爭取，實在很成功。
撰文：張一明
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013