今季日聯周六煞科，2哥廣島三箭只要作客贏鹿島鹿角，仍有望反壓橫濱水手封王。「讓球」開平手，瞓身支持三箭。（球賽編號：星期六4；有線61及201台今日2:30pm直播）
三箭、鹿角及水手均有望奪冠，但形勢上是水手佔優，因只要後者作客贏川崎前鋒，即可繼04年後再成日聯冠軍。若然失分，而三箭又能從鹿角全取3分，三箭即宣佈成功衞冕。論近況，三箭對上10場取得7勝1和2負，狀態較近6戰3勝3負兼近4主場只得1勝3負的鹿角好；而且前者可強陣，儘管隊長佐藤壽人連續6場聯賽冇入波，但始終射術了得，加上青山敏弘及高萩洋次郎等中前場球員都有入波能力，故於茨城比賽時仍有爭勝本錢。
鹿角數字上仍有奪冠機會，但要寄望水手輸波兼狂數三箭才能成事。但他們近11場比賽場場失波，共失18球；加上近兩季與三箭交手未贏過，4戰2和2負，故平手盤必捧三箭。
前鋒[+1]可擋水手
至於前鋒主場對水手（球賽編號：星期六5；有線62、148、202及now711台今日2:30pm直播），水手贏波即登上冠軍寶座，惟前鋒4連勝之餘近5主場全勝，而且射手大久保嘉人超弗，聯賽已入26球。即使水手強陣，三老中澤佑二、中村俊輔及馬昆奴斯均可披甲，亦難望贏波而回。儘管唔睇好他們贏波，惟應該可不敗，既然於「讓球主客和」受讓，當然捧[+1]「客勝」。
另外，浦和紅鑽前線有好波之人興梠慎三及原口元氣壓陣（球賽編號：星期六8；有線64及203台今日2:30pm直播），大阪櫻花的前鋒柿谷曜一朗亦腳風甚順，聯賽已入19球，故雙方有力演入球騷，就捧「大」。文：青蛙仔
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24