【本報訊】醫院管理局自08/09年度起編訂《手術成效監察計劃》報告，會列出手術表現遜於整體公立醫院基準的醫院，有公院資深醫生坦言，結果對市民的意義不大，「市民冇得揀醫院，得個驚字」。
未有針對性改善
該醫生表示，監察計劃能揭示手術表現差醫院的問題，但醫管局未有針對性作出改善，有醫院甚至減少做複雜手術，以減低死亡率。
醫學界立法會議員梁家騮指，以往醫管局曾停止某醫院做成效差的手術，但此舉不能解決問題，「醫管局應該根據報告結果，針對系統性問題改善」。
但有公院資深外科醫生支持監察計劃，認為能有系統地分析及比較不同醫院表現，「將所有醫院放喺同一條線嚟睇，可以知道點解呢間醫院做到，另一間醫院做唔到」，指醫管局緊急手術整體死亡率逐年下降。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange