亞視去年強迫藝員接受洗腦式的「演藝訓練計劃」，由於部份藝員不肯就範而先後被解僱，包括戚黛黛、車車（張紫櫻）及蒲進等。據悉，09年亞姐出身的林紫君，一直對上堂十分抗拒，早前上語言課時，認為課程無聊，按奈不住當眾爆粗戲弄導師問「XX懵懵食甜筒」的普通話講法，令導師極為憤怒，由於該導師為亞視監製趙汝強兒子，有人向高層投訴林紫君，最後亞視除警告一番外，本月約滿的林紫君亦不獲續約。
或投考女警
林紫君前晚接受電話訪問時，承認不獲亞視續約，但箇中原因她表示不清楚。對於疑因上堂寸導師而不獲續約，林紫君說：「我唔知嗰個係趙Sir個仔，我只不過係開玩笑咁樣講咗句。」被迫上堂是否吃不消？林紫君說：「我覺得上堂有好有唔好，應該分番畀啲有需要上（堂）先至去上，好似上堂教講廣東話，我唔係話嘥時間，但我覺得好似小朋友上堂學講廣東話咁囉，我上咗半堂學講廣東話，跟住導師話佢精於普通話，所以我先至問吓。之後我都有道歉，因為我都知其實係唔好聽嘅說話嚟，我有say sorry，我唔知講個笑啫，唔會咁誇張咁嚴重啩！」是否不想上堂？林紫君：「我唔知，我就係唔想讀書先至做呢行之嘛！」
問到將來有甚麼打算？會否轉行？林紫君說：「都有㗎！自己都知自己未夠學歷，點都去讀吓書，可能出年考警察囉！」對於不跟林紫君續約，亞視高層冼偉智前晚透過WhatsApp否認與上堂有關，只表示：「她也想停一停，因她要調養身體及她腳部養傷。」
採訪：方圓
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013