查實分A、B、C、D四幢共1,800個宿位嘅港大龍華街宿舍，過往發生過唔少風波。例如前年工程延遲，其後又氣甲醛含量超標，搞到舊年新學年前趕唔切入伙，港大要花約180萬租酒店等地方安置800名非本地生暫住成個星期。當時染紅咗嘅港大學生會仲向校方問責，發動公投罷免首席副校長錢大康同學生事務長周偉立，但因選票出現問題而不了了之。
由於呢個宿舍位處半山，旁邊係房協觀龍樓，曾經因為唔少宿生用觀龍樓住客升降機上落山，引致居民不滿，仲唔畀佢哋用㖭。
是非不絕嘅宿舍，舍監個個都係猛人。除咗B座梁卓偉，A座係早前炮轟候任校長馬裴森唔夠料嘅新聞及傳播研究中心總監陳婉瑩，C座係做過副校長嘅水電同核電專家李焯芬，D座則係前環境運輸及工務局局長廖秀冬。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24