香港高球公開賽噚日開波，15歲中國神童關天朗（圖）首次參賽，表現好似坐過山車咁。頭13個洞嘅發揮冇得彈，打出5隻小鳥，一度排總成績榜首，勢估唔到尾段大跌watt，連續3個洞打出柏忌，尾2個洞仲以高標準3桿完成，首輪打出高標準1桿嘅71，排第69。香港希望黑純一成績仲差，打出高標準4桿嘅74，今日次輪冇起色嘅話，就會出局。愛爾蘭球手希堅斯以低標準6桿嘅64，暫時排榜首。（now683及684台今日1:00pm直播）
杜琪峰＆鄭秀文齊齊《亂噏24》同3個大帝吹吹水！
周一至周五《亂噏24》約定你： http://bit.ly/appletalk24