【歌賦街】周星馳近年商業、電影雙線發展，不過佢對位於歌賦街間Gough 40西餐廳就情有獨鍾，前晚約8點佢又帶咗一男一女朋友去幫襯。記得上次佢包咗間房招呼一位女士撐枱腳，今次佢揀咗大堂位坐，但就搵咗張最埋嘅枱背住門口坐。
其間佢哋開咗支白酒，見到星爺同位少女好傾得吓，有啲冷落位男士。不過當佢哋發現有記者影相後，顯得好唔耐煩，位女士仲扁扁嘴。最後嗰一男一女先坐的士離開，星爺就5分鐘之後叫侍應叫定的士開定門，打包埋支白酒離開。
採訪、攝影：黃曉程、梁繼光
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013