攞唔到牌嘅王維基，要另謀出路，噚日有傳亞視王征同王維基飯局，密會逾兩小時；八方向香港電視公關查詢，獲回覆證實呢個「雙王」飯局，不過強調王維基之前同王征冇聯絡，今次係王征主動約晤，王維基只係應邀出席，傾吓偈咁話。
不過港視消息稱，呢次密會主要係傾亞視賣盤問題，不過食完餐飯，未有任何結果同進展。之前有傳王維基開價6億買亞視，不過王維基否認，強調無諗過買亞視，因為唔鍾意買舊樓，反而有諗過買TVB，同王征食完飯，唔知王維基會唔會回心轉意？
另有港視員工稱，即使不獲發牌，王維基都繼續畀錢編劇上導演班同管理課程，費用共10幾萬元。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange