【本報訊】全港最大色情網站sex141近年為增收入，使出各種賤招壓榨鳳姐，不願付錢的姐仔就被網站負評打壓。有協助性工作者的機構指，網站被關，鳳姐雖鬆一口氣，但已繳的月費追討無門；有鳳姐上月底一筆過繳付數月的廣告費，相信付諸流水。
機構負責人又指，關閉網站治標不治本，只有讓鳳姐合法宣傳，才能杜絕網站壓榨。
憂性感照遭警傳閱
在sex141網賣廣告，鳳姐先要付1,000元拍照費，之後要再付200元入會費及每月1,300元廣告費。近年網站多番要求鳳姐額外付錢「谷人氣」，不願參與該網站的鳳姐，則以結集負面評語的「跌錢報告區」抹黑，逼她們入會就範，並向寫手提供「免費餐」。
協助性工作者的機構紫藤負責人指，昨日收到警方短訊告知已破獲有關網站，但未有詳細資訊，不少鳳姐致電查詢，「最大影響係有啲人交咗錢落廣告，唔知攞唔攞得返，有啲仲一次過畀幾個月錢，諗住有優惠，𠵱家損失仲大，佢哋都想知之前幫佢哋影嗰啲相可唔可以攞得返，定係會變咗差人內部傳閱」。
負責人解釋，雖然網站關閉，但對行業整體生計相信沒有大影響，「141係最有效嘅渠道，因為真係好多客睇，特別係多街客、生客嘅女仔受影響大啲，但做熟客生意嘅應該冇乜影響」。
她又指，警方多年前也曾採取行動，但治標不治本，「好多年前差人都冚過，冧咗一個咪又有另一個，問題係法例唔畀佢哋（鳳姐）自己賣廣告，第日再有呢啲網站，啲女仔咪又係要畀錢佢哋，間接助長佢哋（網站）剝削同壓榨」。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24