香港國際賽周日上演，大賽氣氛頓時升溫。一對主隊爭標希望，高伯新旗下香港盃嘅「事事為王」和香港一哩錦嘅「大運財」命運各異，分別抽得1檔及10檔，「事事為王」上季贏出打吡後再跑幾場表現一般，但上仗馬會盃直路以強橫後勁上前僅不敵「安賞」跑第二，高伯新話上場韋達冇畀「事事為王」太大壓力，依然表現出色，充份證明已回復贏打吡水平，周日競逐香港盃，抽得最有利嘅一檔梗滿意，加上預計有馬扯快步速，將以最合適嘅後上跑法爭勝，而且馬兒狀態大勇，希望能夠交出好成績。
高伯新又話自己做足功課，對兩場國際賽對手實力瞭如指掌，「大運財」早前贏三場頭馬皆排好位，如今排10位爭一哩錦標，高伯新認為隻馬陣上跑法機動，過往亦曾排外檔贏馬，排位差唔係藉口，機會一樣樂觀。而呢對同主馬如雙雙勝出，頭馬獎金加埋將有約2,400萬。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange