【豪門得子之舊愛問好】陳豪（Mo）榮升做爸爸，與陳茵媺一家三口大晒恩愛幸福，圈中人亦紛紛送上祝福。至於阿Mo的舊情人廖碧兒昨晚獨自於金鐘出席保良局慈善活動，身穿黑色低胸連身裙的她明顯有備而來，記者問到知否陳豪的BB出世？廖碧兒說：「自己啱啱喺北京返嚟。」問到會否發短訊祝福對方？她酸溜溜的說：「喺呢度透過你哋祝福，相信係最好方法。最緊要係健健康康，今年雖然多人生BB，有咗都生唔到，好多人唔成功生唔到，健康好緊要！」
同在金鐘 緣慳一面
問到有否上微博望小Mo子容貌？廖碧兒說：「未見、未睇，自己啱啱返嚟，仲病緊！」再問她會否託朋友送禮？會否羨慕對方結婚生BB？她只說：「最重要係祝福，希望將來都會有，不過𠵱家以工作為主。」廖碧兒透露不清楚陳豪同時空在金鐘出席活動，並表示已跟他完全冇聯絡。
陳豪與廖碧兒於05年因拍劇撻出愛花火相戀，其後常常以情侶檔姿態掘金，二人齊齊成為商場活動鐵腳，曾經大受歡迎。二人拍拖六年，最終因廖碧兒搭上富二代、即李澤楷表弟林忠豪而放棄「筍盤」陳豪告終。不過，林忠豪與廖碧兒戀情雖然火速開始，但亦火速斬纜，拜金夢碎的廖碧兒星運亦開始下沉。近年她專注在內地拍劇，但成績未見有突破。此外，廖碧兒的另一舊愛劉愷威亦會於明年1月8日與女友楊冪行婚禮，但她仍然單身。
採訪：譚倩宜
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013