【亂噏24 第22集】曾先後捧紅邱淑貞、舒淇、林熙蕾等「晶女郎」的王晶，可謂閱女無數，最厲害是他與妻子結婚35年，恩愛如昔，因他已將妻子升上神枱，地位無可取替，令黎智英既羨慕又敬佩！《亂噏24》足本版逢周四晚上11時播出，讀者可在 http://bit.ly/appletalk24重溫。
撰文：馮國康、Sidekick
今集嘉賓請來無論身形和份量都跟肥佬黎有得揮的王晶，節目甫開始，肥佬黎先來個下馬威：「你做導演有個好處，就係唔使減肥！」見慣大場面的王晶，絕不被對方氣場壓倒，更自詡減肥專家，只是每次減完肥，體重又瞬間反彈。不說不知，原來王晶不煙不酒，生活亦有規有矩，多年來沒大病痛。蔡瀾笑說：「另外嗰方面唔係幾規矩呢！」王晶一臉正氣的說：「我認為我乜嘢都好規矩，甚至乎感情都好規矩，因為我同邊個有感情，喺嗰段時間我真係淨係同佢箒。」肥佬黎問：「咁老婆呢？」王晶答：「呢個係另外一個層次嘞！嗰個係要嚟尊重！」肥佬黎笑稱要有樣學樣。
肥佬黎封了王晶為偶像，猛問他如何將老婆升上神枱。王晶解釋他視妻子如張大千、安迪華荷（Andy Warhol）等藝術家，其他女子只是新畫師，他說：「你點可以餐餐張大千？有時都要試吓習作嘛！」肥佬黎搞gag說：「我老婆一定唔會接受，佢會話我唔係張大千，我係你老婆！」王晶反駁，認為妻子不容許丈夫「沙沙滾」只有兩個可能，一是「唔夠愛你」，二是「對你唔夠信任」，王晶說得振振有詞：「最緊要係你有冇本事，何鴻燊夠本事啦，佢個個（四房）都咁快樂。」肥佬黎還擊：「佢唔快樂你唔知箒，你試吓一日食四餐飯吖！」眾人大笑。
鍾采羲復仇爛滾男
王晶跟妻子相處35年，從未試過婚姻亮起紅燈，他得戚的說：「咁如果你對得人唔好，人哋走咗九千萬世啦！你令到人快樂，人哋就唔會走啦。」
鍾采羲（Iris）和新人Bella有份演出電影《爛滾夫鬥爛滾妻》，席上被問到假若兩人另一半都爛滾，她們可會報復？Iris笑說：「講真我係絕對會報仇，只可以話我愛自己多啲。」Bella則認為自己能容忍到，但首要條件是另一半真的愛她，亦要知分寸。王晶說：「乜嘢都假，你快唔快樂先？你快樂咪得囉。」
肥佬黎佩服王晶，是因為他想不到方法「沙沙滾」完又神不知鬼不覺，他說：「你沙沙滾之後，返到屋企佢都知，所以你真係郁都唔敢郁。」Iris有感而發：「所以做女人好慘，歷代開始已經係咁。」王晶不認同：「點解你唔話男人好慘呢？」Iris解釋是不同慘法，男人有擔起頭家的壓力，女人則要憂心男人偷食。王晶說：「調轉都得㗎，女人擔起頭家吖！」火藥味濃烈。
遮掩缺點放大優點
王晶捧女星亦有一手，被捧紅的「晶女郎」多不勝數，他表示要捧星不能只安排對方參與演出，還要掌握女性的特點，就如面前的Iris和Bella為例：「要放大佢哋優點，收埋佢哋缺點。」肥佬黎問王晶覺得面前的Iris的優點在哪？王晶笑說：「你就咁睇都睇到佢幾好身材啦！」他回復正經說：「好身材唔係一百分，你要突出晒佢最好嘅地方，冚住晒最唔好嘅地方。」蔡瀾插嘴：「係咪腦呢？哈哈。」王晶沒理會蔡瀾，繼續說：「譬如佢一幕出浴戲，佢上身比例好好，腿都夠長，但有少少肚腩，咁就諗點樣拍得佢最靚呢？我用一啲半透明嘅磨砂玻璃，啱啱遮咗佢啲唔好睇嘅地方。」
王晶閱女無數，他認為女性最性感地方不是胴體，而是樣貌：「男人其實係同自己個腦戀愛、做愛，並唔係同異性做愛嘅。」所謂絕色美女，必須懂得利用樣貌引導男人進入狀態。他認為邵氏女星恬妮是無敵，他說：「佢瘦到不得了，冇身材，但係可以演到性感無倫，佢之後只有一個周迅可以做到。」
王晶是歷年累積票房最高的導演，編劇出身的他，每一個鏡頭都經過周密計算，絕少「即興」拍攝或拍多餘鏡頭，但亦試過因應某些演員的表現而更改劇情。就如當年劉德華主演的《賭俠1999》，原本是一齣悲劇，但因張家輝的出現而變成喜劇。王晶說：「佢兩個越搞越好笑，死嘞收唔番。原本拍咗一場係劉德華呃晒啲反派，最後見朱茵時，俾車撞難逃一死。後尾諗到補幾個鏡頭，原來撞佢嗰個係張家輝，佢手車渣撞倒劉德華，結果就笑到碌地！」
電影市道跟股市、樓市一樣，都有它的高𥧌低潮，老行尊蔡瀾當然深明此理。他記得當年在邵氏工作，適逢電影黃金時代，每年拍40部戲都賺錢，於是蔡瀾便向邵逸夫先生說拍一部能得獎的電影，虧本也不計，對方卻說：「我40部都賺錢，點解唔第41部都賺錢？」王晶表示很多電影人不願承認電影市道有cycle：「如果係電影prime time，好戲又收，曳戲又收；到個市場唔好呢，好戲又死，曳戲又死。」
目標為本賺錢有法
王晶拍攝《爛滾夫鬥爛滾妻》僅用了700萬，肥佬黎雙眼發光：「咦！咁好少咋喎，實賺硬喎！」王晶拍一拍肥佬黎膊頭說：「有冇興趣投資吖？哈哈！」肥佬黎即耍手擰頭：「梗係冇啦，我投資，你大陸上唔到嘛。」
肥佬黎跟王晶惺惺相惜，覺得他如果唔拍戲，做生意一定掂。王晶冒着被罵的危險也要說：「拍電影要賺到錢，你千祈唔好愛電影。因為嗰件係貨嚟，錢多就得。有啲導演同部電影戀愛，成日唔肯拍完，剪完又剪，剪完又剪，咁你點賺到錢呢？」
王晶自覺是一個電影商人，因他少年時見得太多潦倒的電影人：「我爸爸（王天林）嗰輩，好多好叻嘅編劇，一個二個吊頸死嘅，我話我唔可以做編劇。做導演，又睇到好多大導演晚境淒涼，我又唔得，要做老闆。之後發覺，咦？都有好多老闆死，唔得，我要做片蛇。片蛇永遠唔死！」
王晶捧女有一手 艷女和尚新搞作
http://bit.ly/talk242201
唔怕老婆走佬 日食四餐先至夠
http://bit.ly/talk242202
祖賢對腳好肉酸 攝影師都要行遠啲
http://bit.ly/talk242203
男人偷食會心虛 見到老婆實衰
http://bit.ly/talk242204
捧伊健做浩南 氣勢勁過劉德華
http://bit.ly/talk242205
老人病想好返？清淡飲食要行山
http://bit.ly/talk242206
家輝實在太搞笑 悲劇都要變笑片
http://bit.ly/talk242207
拍戲似炒股票 市場氣氛定成敗
http://bit.ly/talk242208
唔同電影談戀愛 自然有錢袋落袋
http://bit.ly/talk242209
王晶崇拜老竇 楚原叔教路開眼界
http://bit.ly/talk242210a
全民起義，網民話事！
立即登入萬千星虧頒獎禮投票網，投下心目中最虧之選。
http://campaign.appledaily.com/tvawards2013