自誇公關專家、月薪成18萬嘅候任新聞統籌專員（IC）馮煒光，未上任先有公關災難，仲要道歉㖭呀。馮煒光前日被網民大起底，爆出一張佢笑意盈盈嘅攬女相，幅相傳播力驚人，連唔少立法會議員、例如經民聯林健鋒都睇過，反應係不約而同咁陰陰嘴笑，唔會係羨慕新IC艷福無邊啩？
港版白宮發言人馮煒光知道攬女照外傳後，噚日喺fb話呀，多謝大家咁鍥而不捨人肉搜索佢，澄清張相係約一年前喺台北影嘅舊相，相中兩名朋友係OL，對佢哋受牽連致歉。
杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你： http://bit.ly/appletalk24