【本報訊】「我就攞到香港身份證喇！」數日前才與夫家飲茶的姓林女死者，原本將可持單程證來港一家團聚，轉眼間卻因賭性難改踏上不歸路，其在深圳布吉開設製衣配料廠的家翁感心痛不已，慨嘆：「個仔成份糧畀佢（林婦），又輸鬼晒……畀咗幾百次機會佢啦！」他考慮將年幼孫兒接返內地居住，方便照顧。
林婦家翁陳伯指媳婦原非貪錢，只是生性好睹，連其子給予的家用亦輸清：「做多多都唔夠輸……搞到個仔連5,000蚊嘅手機都買唔起。」他坦言媳婦已經泥足深陷，「牛唔飲水點㩒得牛頭低？要賭嘅話，點都賭得到，三更半夜都夠膽走去賭，你話點搞啫？」
盼接孫返內地便照顧
家人為此曾屢次苦勸林婦，可惜都沒用，陳伯嘆謂：「一而再、再而三，次次都咁樣……」他指原本建議兒子叫媳婦一同返回深圳幫手打理廠務：「可以睇住佢，公一份、婆一份，唉，點知……」他稱稍後會返港處理媳婦身後事，並想將年幼孫兒接返內地居住，方便照顧。
對於內地婦在港賭博輸命，東華三院「心瑜軒」預防及治療多重成癮綜合服務主任陳美璐稱，新移民婦人來港後或會因適應、生活及家庭問題，面對種種壓力，在個人價值觀及朋輩影響下，從而作出成隱行為，包括賭博等。當難以自拔下，成癮者會出現抑鬱及苦悶，更會變本加厲，成為病態賭徒，因而衍生欠債及家庭不睦等問題，更會影響情緒。陳主任又稱，現時病態賭徒有年輕化迹象，由於他們自我控制力較低，面對引誘及高度刺激下會難以自拔，因此建議任何人面對壓力均不可作出成癮行為，而患者可向社區求援或及早求醫，避免發生悲劇。
《蘋果》記者
足本收睇《亂噏24》謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24