大學生申請公屋要扣分？
雖然有四成大學生講唔出佔中三子的名字，不過跟另外六成人，都是狼團隊管治下的扣分對象，槍口瞄準，內部守則規定，大學生中，扣分的包括：
一，支持佔中的。明年添馬艦總部，所有天眼會瞄準各位，人肉搜尋出大學生，電腦核對，一經定案，扣了幾多分，冇人知。等N世都冇得揀樓。
二，大學生想盡快上樓，示威遊行，除非是跟派錢團去支持政府，否則一律記錄在案，房署隨時向八大院校索取資料，親疏有別，非梁粉學生扣分，摺凳黨爬頭上樓。
三，愛國愛黨，是基本法字裏行間已經畫公仔畫到出腸的規條，大學生們，睇唔到條腸的，Sorry，由個心度痛出來都冇情講，扣硬。
假如行之有效，大學生扣分制會擴大至泛民支持者、真普選支持者、N度創作支持者、不遷不拆支持者範疇。梁特首樂見市民跟他一樣，負分。