為咗令六四精神薪火相傳，兼令更多市民了解六四史實，支聯會過去幾年都搞六四紀念館，但由於冇紀念館永久會址，次次都要借場，展期有限，所以支聯會好畀心機籌錢，希望有個永久落腳地。
八方聽聞支聯會終於籌夠錢，已經買咗個紀念館嘅永久會址，裝修好之後希望明年初可以啟用；有咗自己個竇，第時就唔使左撲右撲搵地方做展覽咁辛苦啦。
個竇喺邊呢？話說支聯會早前喺荔枝角、長沙灣一帶搵過，但最終拍板買嘅，係位於尖沙嘴柯士甸道近玫瑰堂附近、一個大概1,200呎嘅單位，成交價約900萬，主要貪尖沙嘴夠旺，而且好多自由行，有利向國內同胞宣揚平反六四嘅訊息。
足本收睇《亂噏24》謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24