自由黨張宇人把口一向都唔收，暢所欲言或口不擇言時經常出口「傷」人，但噚日佢終於「封嘴」，唔係響應林煥光所講嘅「深切檢討」，而係佢敵唔過冷風，同食物及衞生局局長高永文一樣，傷風感冒中招鳥。
若然傳染成個立法會，搞到議員全部病晒而流會，真係罪大惡極，所以張宇人噚日都算識做，全程戴住口罩開會同出入（圖），仲自嘲「生人勿近」，主動同議員兼記者保持距離，慎防成為播菌嘅千古罪人。據聞唔少議員都病病哋，立法會唔會變成病菌溫床啩？黃賢創攝
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange