挨年近晚，唔少人愁對年關，對失落牌照嘅港視老闆王維基同員工嚟講，相信更加別有感受。去年12月4號，王維基帶領港視台前幕後晒冷式宣佈開台，王維基當日咁講：「仍然對政府聽民意，將市民民生放喺首位有信心。」事隔一年，八方相信王維基唔會再咁講。港視官方facebook噚晚低調過生日，員工留言：「去年今日，小編見證住『一個電視台的誕生』、見證住『香港電視』帶着希望正式出世。今年經歷咗好多起跌……雖然無辦法好開心咁慶祝，但好多謝一直支持HKTV、到呢一刻依然未放棄的朋友。『人總需要勇敢生存 我還是重新許願』，希望明年今日，會比今天更光明。」大家咁話。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange