天下烏鴉一樣黑！球壇「偷食男」何其多，保方守龍就可靠，但「守己」就差啲喇，不安於室嘅意大利門神日前被爆出搭上小三，球星兩年半嘅婚姻已告失守。該祖雲達斯門將上星期至完成生涯第500場意甲，球場得意，情場卻失意，今次暗交意大利電視艷星，盛傳保方與辣模嬌妻絲蕾多娃因此而分居，恐怕都會離婚收場。
其實保方早在2010年已經有「案底」，被西班牙艷星踢爆與其玩3P，仲話保方對絲蕾多娃嘅身體已經提不起興趣。曾為捷克名模嘅絲蕾多娃，擁有37-24-36嘅魔鬼身材，名副其實嬌「娃」一名，相信係男士聽到都憤斥保方唔識珍惜，女士更嬲，嬲保方仲未知足！不過其實呢pair人一向各有各玩，絲蕾多娃當上人妻後，都曾經跟恩沙基、韋利甚至阿馬利傳過緋聞。
呢位堪稱意大利最具份量嘅WAG更曾豪言，鎖住保方嘅秘訣就係情趣用品同性感內衣。Oh no！所以你咪鎖唔住囉。 文：呂晨
足本收睇《亂噏24》謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24