喺政改諮詢中「被擺歪」嘅狼振英既然冇乜嘢做，咪不斷四出務虛，周五出發去完廣州搞內交，周六同周日就分別喺北角同大角嘴，舉行兩場《施政報告》同《財政預算案》地區諮詢會，聽吓市民噴口水。
至於噚日呢個咁重要嘅政改諮詢啟動日呢，佢就出席咗個午餐會，答咗台下嘉賓三條問題咁多啦。而最特別之處，係美國駐港總領事夏千福都有出席呢個午餐會，仲同狼英同枱㖭，但就坐喺對面，兩人全程雖然冇乜嘢交流，但狼英對住呢位領事，唔知點解表情特別多。
而喺午餐會上專心食嘢嘅千福BB，就連facebook都同食有關。話說美領館噚日po咗張感思節當日，千福BB同領事館職員一齊做節嘅相，只見相中嘅千福BB仲着住圍裙，親力親為幫手切火雞㖭。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange