瑞銀消費股分析員梁裕昌（Spencer）因利豐（494）一役爆紅，最近佢有新動向，不過就唔係轉工，而係要兼顧多瓣，除咗消費股，仲要睇埋港股投資策略，即係好耐以前陸東做開嗰瓣。
Spencer話，職衍冇變，唔係升職，只係睇埋港股策略。有趣嘅係，佢呢個月出嘅首份港股投資報告，封面都係有張相，同佢寫開零售股研究報告嘅風格差唔多。佢話，鍾意有圖有真相，做研究報告唔止坐喺寫字樓跟模型計數，會周圍行，不時拎部手機出來影低啱用嘅畫面。
首份港股報告上面呢幅相，正係莎莎（178）上水分店，佢噚日又帶隊去上水、大埔、沙田觀察零售市道喇。
Spencer得意之作，就係前年出咗份報告唱衰利豐，指利豐收購項目嘅入賬方法，喺新會計準則下好弔詭，利豐罕有地出通告反擊。不過，利豐舊年公佈業績正好反映Spencer觀點係啱嘅，咁就爆紅了。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange