「殼王」陳國強旗下珀麗酒店（1189）噚日好靚仔，逆市升6%，原來係因為母公司德祥企業（372）打算賣仔。德祥噚晚出通告話，獲第三方接觸討論出售手持29.76%珀麗股份。珀麗噚日市值4.2億元，呢手貨約值1.2億元。
近排靚殼渴市，雖然話IPO市場好旺，但唔少內地企業因種種原因，情願借殼上市。據投行朋友講，賣殼生意食水冇IPO咁好，但強國企業買殼都唔係好講價，呢啲生意邊到搵吖。
全盛時期，殼王坐擁15間上市公司。今年夏天，殼王就賣咗保華建業（577）畀衣着打扮極潮嘅洪永時，對方準備喺澳門搞最豪酒店，𠵱家改咗名叫「路易十三」。至於有機會賣殼嘅珀麗，前身就係永安旅遊。
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24