【記者袁樂婷報道】先天缺陷無阻突破自我，20歲的邱德興因患腦痙攣，自小雙腿行動不便，偏偏他熱愛運動，擲木球、划艇統統難不倒他。德興兩年前首次參加渣打馬拉松三公里輪椅賽，一試難忘。今年「升呢」挑戰10公里，希望與健全人士在同一起跑線競賽。每周六天狂操體能，練至大汗叠細汗仍樂在其中，「只要有機會可以完成比賽，我乜都唔介意」。
每日半小時掌上壓訓練
為應付三倍長度的賽事，德興除了要適應三輪輪椅，也要每天做最少半小時掌上壓等上肢運動，訓練手臂力量；每次10分鐘的高速衝刺訓練，一做便是四次，「你會見到我啲汗係咁爆晒出嚟」。他說，每次做運動都給自己設定目標，「做得到會好有滿足感」。
德興憶述，兩年前首次參加渣馬，碰巧遇上天雨，「第一次唔識，照舊死衝」，結果在暗斜路鏟上凸起渠蓋，「成架車飛起咗一下，好彩後尾冇反車」。今年吸收過往經驗，他充滿信心能完成賽事，更做足資料搜集，迎戰賽道約9.3公里處的大斜坡，「有心理準備會好辛苦，但如果好彩去到嗰度仲未要上巴士，梗係捱埋佢啦，點會畀自己放棄！一定要衝線！」
足本收睇《亂噏24》謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24