全港唯一一間專為腦癇症患者服務、屬非醫療性慈善機構嘅香港啟迪會，今個月14日晚會喺君悅酒店搞10周年慈善籌款晚會，今次有新意思，以「六十年代舊香港」為主題，相信當晚嘅貴賓，包括前政務司司長陳方安生以及食物及衞生局局長高永文都會覺得好有feel。
身為啟迪會榮譽贊助人嘅陳太，除咗噚日出席記者會撐場，仲會捐出媽媽方召麐畫嘅國畫籌款。陳太仲預告，細佬方津生當晚會獻唱。
原來陳太都有親戚患上呢個病，細細個病情好嚴重，但大個咗就受控，佢覺得香港人對腦癇症呢個病認識唔深，所以樂意幫啟迪會做多啲宣傳。
足本收睇《亂噏24》謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24