殼股瘋炒，昨推介品質國際（243）飆升46%，逆市為戰友爭取回報。唔少戰友問魏力：競價盤已升16%，仲衝唔衝？
要判斷應否高追，魏力主要睇三方面：一、圖表，如裂口突破主要阻力或蟹貨區，要跟。以品質國際為例，開市已破旗創今年新高，樓上又少蟹貨，自然升得急；二、盤路，如競價時買盤不斷搭上，賣盤則未見大增，代表群眾追買意欲強烈，繼續掃上機會大；三、市值及平日成交，三兩億市值的股份，點都易炒過百億大價股；如平日成交不多，代表街貨疏落，股價較易上揚。要在電光火石間考慮咁多因素，並不容易，只有靠經驗累積。
濠賭股炒足一年，家陣先入場博邊隻？實德環球（487）今年業務翻身，更集濠賭、內地彩票及日本賭場概念於一身，兼有澳博（880）撐腰，但現價較前年高位低足一半，於一眾賭股中排包尾，追落後呢隻水位最多。
實德持有十六浦娛樂場49%權益，上半年EBITDA急升26%至1.79億元，近年優化設施及管理，基數低潛力大；十六浦第三期明年第三季開業，盈利勢展翅高飛。彩票方面，實德積極拓展體育電子彩票銷售，食正大潮流。此外，集團擬赴日開賭，同業勵駿（1680）三個月炒高兩倍，而實德僅升一倍，炒得過！短期先睇9月高位0.65元，水位34%，明年向1蚊邁進。
魏力
http://www.facebook.com/2012jason
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24