工展會喺本月14日至明年1月6日舉行，有個展商大家都好「關注」，就係早前爆出品質問題，被指涉不含藥材龜板成份嘅海天堂龜苓膏。主辦嘅廠商會證實，參加咗好多屆嘅海天堂已主動退展。廠商會話，發生龜苓膏冇龜事件後，已要求海天堂參展前要提交食品安全證明，對方承諾交出，但最後佢哋都冇需要交，因為決定退展。
其實，海天堂早前已退出廠商會嘅香港食品嘉年華。海天堂之前被指控龜苓膏發霉，引發退券潮，之後食安中心抽取市面海天堂龜苓膏進行樣本微生物檢測，發現細菌冇超標，亦冇發現霉菌。另外，廠商會話，參展嘅維特健靈亦都講明，場內唔會有「中醫顧問」等服務。
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24