【本報訊】業績未止血、股價率先炒上的思捷（330），主席柯清輝昨於股東大會上首次直接表示，第二大股東、前主席邢李㷧「唔會有興趣加入思捷，或參與運作」，粉碎投資者對邢氏重返思捷的盼望。更「驚嚇」的是，行政總裁馬浩斯指思捷明年虧轉盈的報道有誤，強調料明年業務仍未止血。
記者：鄭柏齡
去年11月，邢李㷧持有思捷超過5%消息曝光，令市場一直憧憬突然躍升第二大股東的邢李㷧，有意重返思捷，刺激股價大升。不過，柯清輝昨在股東大會上，粉碎有關的「美麗幻想」。他指仍持股10.33%的邢氏，無意重返公司，「邢生同我係私人朋友，佢𠵱家享受緊人生，唔會有興趣入思捷，或參與運作」，他補充，「邢生係好嘅投資者，佢入股思捷，令市場對思捷嘅信心增強」。
高層增持股份 睇長線
10月底時，柯清輝及副主席鄭明訓亦斥資逾千萬元，掃入思捷股票，帶動股價創出逾一年半新高。有小股東向柯清輝查問「係唔係有好消息？」柯清輝回應指，「唔只我，鄭生（鄭明訓）之前已經好想買」，但由於公佈首季業績，加上聘請新產品設計師，涉及股價敏感資料下，才推遲買股決定。
小股東隨即向柯清輝追問「咁我哋跟唔跟得過？」，柯清輝指「自己嘅投資好長線」，因「作為董事，唔可以即刻買即刻賣，會畀人覺得炒作」。他笑言，「如果跟我，就要跟到足，做好長線投資」。至於會否再增持？柯清輝指「成日都有諗，但要睇銀行有冇錢，自己其他投資表現成點」。
對於有德國報章引述馬浩斯指，思捷有望在明年轉虧為盈。馬浩斯昨日否認有關言論，他澄清在訪問中，僅預期明年銷售、毛利率將錄得單位數跌幅，營運開支佔銷售佔比降至50%以下，「見底回升（turnaround）說法，只是記者自己計算出來」。他補充，明年業績未「turnaround」，只會逐漸穩定下來。
拒做快速時裝 保質素
馬浩斯亦強調，思捷轉型重點在「加快供應鏈」，「不做快速時裝。快速時裝着幾次就扔，思捷要保持高質素」。他重申，現正着力縮短lead time（從設計至上架所需時間）及增加效率節省成本，但不會改變公司原有「DNA」。柯清輝補充，思捷的主要市場為德國，當地人注重成衣質素，而非款式，此乃思捷的「DNA」。他同時認為公司「最壞時間已過去」，而新團隊「已經齊晒」，管理層再有變化的機會微。
足本收睇《亂噏24》x 謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24