鄉議局主席劉皇發為咗幫新界人出頭，今日喺立法會動議將大浪西灣剔出西貢東郊野公園，令佢同環保團體嘅關係劍拔弩張。為免同環團以後都冇偈傾，發叔前排廣邀環團人士，諗住噚日喺佢自己間酒樓「好日子」，擺番圍和頭酒聯誼吓，但最終冇環團畀面出席，發叔惟有改同屋企人、夥計食飯算數。
發叔話唔介意環團請食大檸檬，笑笑口話可能人哋要避嫌，況且佢不時都會同環團食飯㗎啦，今次食唔到，咪約下次食過囉。有傳媒噚日登咗份創建香港代表保衞郊野公園覆鄉議局嘅信，話保衞郊野公園嗰邊想立法會投完票先再同鄉議局見面。學發叔話齋，「三個字」：事緩則圓。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange