上仗曼聯又靠朗尼獨取兩球逼和熱刺；回想季初如果莫耶斯留唔住朗尼，曼聯現在會如何？
細看今季曼聯5場聯賽：4:1勝史雲斯（朗尼兩個助攻）、3:2反勝史篤城（關鍵追平入球）、3:1勝富咸（1入球1助攻）、2:2卡迪夫城（1入球1助攻）以及2:2熱刺（2入球），若沒有朗尼的貢獻，上述幾仗可能已由贏變和、和變輸。大膽估計，已失掉9至10分，即是曼聯將只得12、3分，在護級區域掙扎！回想當日莫耶斯對挽留朗尼愛理不理的態度，真係執番身彩！
然而，對朗尼來說，留隊亦非只着數了球會。若當日他真的上車了，又如何？看現在車仔陣容，前線人滿之患，連西班牙天才桑馬達亦做後備，費托亦非必然正選，若朗尼未能融入新環境，隨時亦要坐冷板，會否連出戰世盃的機會也受影響？當然相信只要朗尼「行得郁」，鶴臣也唔敢唔帶他到巴西；但前鋒是要不斷比賽才能保持狀態。留在曼聯擔大旗，對曼聯、英格蘭以至他本人，應該都是最好決定。
至於摩佬，相信縱得朗尼亦幫助不大，皆因車仔現在缺人不在進攻，而在防守。看近8場聯賽他們有一半是先失波，相比10年前，由當「弗」英國腳艾殊利高爾與泰利，配合聽話心腹卡維奴組成的滴水不漏防線；現在泰利A高老了10年、大衛雷斯穩定性亦不及卡維奴。睇吓1月摩佬係咪真係口硬唔買人。
方柏翹
now足球評述員
足本收睇《亂噏24》x謝安琪；肥螳螂王晶接力上場！
周一至周五約定你《亂噏24》： http://bit.ly/appletalk24