貿發局噚日舉辦「香港論壇」，其中一個環節講年輕商家致勝之道，東亞（023）太子爺李民斌作為講者之一，直認出身幸運，可以有優良教育，條路好似幾好，容易成功，但亦因此承受壓力，因為要滿足周遭嘅期望，所以要更加努力工作，更加投入工作。
同場亦有新世界發展（017）主席鄭家純女婿龐建貽，佢創立大亞洋酒10年有多，佢話公司有今日嘅發展，要多得政府當年撤銷紅酒稅，又話喺全世界都搵唔到個咁有視野同咁鍾意紅酒嘅政府喎。其實佢直接讚唐英年咪得囉。
龐建貽雖然既係純官女婿，又係鋼鐵大王龐鼎元個孫，但論壇中途就有位自稱前賓架嘅外國人，話自己好鍾意飲紅酒，但就未聽過佢間舖頭，龐建貽竟然冇黑面，仲話會親自招呼佢。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange